ಉದಯಗಿರಿ ಶಾಲೆಯಲ್ಲಿ ವಿಜ್ಞಾನೋತ್ಸವ

                          ಉದಯಗಿರಿ ಶಾಲೆಯಲ್ಲಿ ವಿಜ್ಞಾನೋತ್ಸವ
ಬದಿಯಡ್ಕ: ಶ್ರೀ ಶ೦ಕರನಾರಾಯಣ ಪ೦ಚಾಯತು ಅನುದಾನಿತ  ಕಿರಿಯ ಪ್ರಾಥಮಿಕ ಶಾಲೆ ಉದಯಗಿರಿಯಲ್ಲಿ ವಿಜ್ಞಾನದ ಕುರಿತು ಮಕ್ಕಳಲ್ಲಿ ಆಸಕ್ತಿ ಮೂಡಿಸಲು ಶನಿವಾರ  ವಿಜ್ಞಾನೋತ್ಸವ ಕಾರ್ಯಕ್ರಮವನ್ನು ಆಚರಿಸಲಾಯಿತು.
    ಹಿರಿಯ ಯಕ್ಷಗಾನ ಕಲಾವಿದರೂ ವಿಶ್ವ ಜಾನಪದ ಪ್ರಶಸ್ತಿ ಪುರಸ್ಕೃತರೂ ಆದ ಶ್ರೀ ಜಯರಾಮ ಪಾಟಾಳಿ ಪಡುಮಲೆ  ವಿಜ್ಞಾನೋತ್ಸವವನ್ನು ಸರಳ ಪ್ರಯೋಗ ಮಾಡುವುದರ ಮೂಲಕ ಉದ್ಘಾಟಿಸಿದರು. ಪಂಚೇಂದ್ರಿಯಗಳ ಮೂಲಕ ಕಲಿಯುವ ವಿಶೇಷ ಜ್ಞಾನವೇ ವಿಜ್ಞಾನ. ಹಾಗಾಗಿ ನೋಡಿ ಕೇಳಿ ಕಲಿಯುವುದಕ್ಕಿಂತ ಮಾಡಿ ಕಲಿಯುವಾಗ ಆಗುವ ಆಶಯಗ್ರಹಣವು ಶಾಶ್ವತವಾಗಿ ನೆನಪಿನಲ್ಲಿರುವುದು. ಸರಕಾರಿ ಶಾಲೆಗಳಿಂದು ಜ್ಞಾನ ವಿಜ್ಞಾನ ಕೇಂದ್ರಗಳಾಗಿ ಬದಲಾಗುತ್ತಿವೆ. ಶಿಕ್ಷಣದ ಗುಣಮಟ್ಟವಿಂದು ಮೇಲ್ಮುಖವಾಗಿ ಸಾಗುತ್ತಿದೆ. ಅಧ್ಯಾಪಕರ ಸೇವಾಮನೋಭಾವ ಕೂಡ ಪ್ರಶಂಸನೀಯ. ಹಲವು ಶೈಕ್ಷಣಿಕ ಸಾಂಸ್ಕೃತಿಕವಾದ ವಿಶಿಷ್ಟ ಕಾರ್ಯಕ್ರಮಗಳನ್ನು ಏರ್ಪಡಿಸುವುದರ ಮೂಲಕ ಉದಯಗಿರಿ ಶಾಲೆಯು ಇತರ ಶಾಲೆಗಳಿಗೆ ಮಾದರಿಯಾಗಿದೆ ಎಂದು ಅವರು ಈ ಸಂದರ್ಭದಲ್ಲಿ ಹೇಳಿದರು.
    ಕಾಂತೀಯ ಬಲ, ವಾಯುವಿನ ಬಲ,ಭಾರ,ನೀರಿನ ವಿವಿಧ ಗುಣಗಳು, ವಿದ್ಯುತ್ ಉಷ್ಣ ಪರಿಚಾಲಕಗಳು, ರಸಪ್ರಶ್ನೆ, ಸರಳ ಪ್ರಯೋಗಗಳ ವೀಡಿಯೋ, ಮ್ಯಾಜಿಕ್ ಪ್ರದರ್ಶನ ಮೊದಲಾದ ಕಾರ್ಯಕ್ರಮಗಳನ್ನು ಇದರ ಭಾಗವಾಗಿ ನಡೆಸಲಾಯಿತು.
     ಕಾರ್ಯಕ್ರಮದಲ್ಲಿ ಶಾಲಾ ಪಿ.ಟಿ.ಎ ಅಧ್ಯಕ್ಷೆ ಶ್ರೀಮತಿ ಕುಸುಮ,ಎಂ.ಪಿ.ಟಿ.ಎ ಅಧ್ಯಕ್ಷೆ  ಶ್ರೀಮತಿ ಬೇಬಿ ಶಾಲಿನಿ ಅಲ್ಲದೆ ಹೆತ್ತವರು,ಊರವರು ಭಾಗವಹಿಸಿದರು.ಅಧ್ಯಾಪಕರಾದ ಶ್ರೀ ರಾಜೇಶ್ ಯಸ್, ಶ್ರೀಮತಿ ಪ್ರಿಯ.ಕೆ, ಫಾತಿಮತ್ ಶಾಹಿನ  ಕಾರ್ಯಕ್ರಮದ ನೇತೃತ್ವ ವಹಿಸಿದರು.